जिल्ह्यातील ज्वारी आणि कापूस उत्पादक शेतकऱ्यांची शासनाकडे तात्काळ पंचनामे करून मदत करण्याची मागणी

परभणी
परभणी जिल्ह्यामध्ये मागील दोन दिवसापासून वादळी वाऱ्यासह मुसळधार पाऊस पडत आहे आतापर्यंत जिल्ह्यातील 23 महसूल मंडळामध्ये अतिवृष्टीची नोंद करण्यात आली आहे तर जिल्ह्यात सरासरी 65 ते 70 किलोमीटर पाऊस झाल्याची नोंद करण्यात आली आहे. या पावसामुळे काही पिकांना दिलासा मिळाला आहे तर काही पिकांचे प्रचंड नुकसान झाले आहे त्यामध्येच जिल्ह्यातील रब्बीच्या ज्वारी व कापूसपिकाचे मात्र प्रचंड नुकसान झाले आहे.

परभणी जिल्ह्यामध्ये जमीन काळी आणि कसदार असल्यामुळे या जिल्ह्यात रब्बी हंगामामध्ये मोठ्या प्रमाणावर ज्वारीचे पीक घेतले जाते पण ज्वारीच्या पिकाला सगळ्यात मोठा धोका हा पावसापासून असतो यावर्षी मोठ्या प्रमाणावर शेतकऱ्यांनी ज्वारी पेरली होती आणि ही ज्वारी चांगली आली होती. पण काल झालेल्या पावसामुळे ही सगळी ज्वारी भोई सपाट झाली आहे वादळी वाऱ्यासह मुसळधार पाऊस पडल्यामुळे सर्व ज्वारी भुईसपाट झाली. त्यामुळे हे ज्वारीचे पीक 100% हातातून गेल्याचे शेतकरी म्हणत आहेत.

त्याचबरोबर परभणी जिल्ह्यामध्ये कापसाचे मोठ्या प्रमाणावर उत्पादन केले जाते. कापसाचे पीक हे नगदी पीक म्हणून ओळखले जाते. आणि या कापसाच्या पिकावरच शेतकऱ्याचे वर्षभराचे खर्चाचे नियोजन असते यावर्षी पाऊस मोठ्या खंडाने पडला आणि कमी पडला तरी शेतकऱ्यांनी आपल्या शेतात उपलब्ध असलेल्या पाण्यावर या कापसाच्या पिकाला जगवले मोठे केले आणि आता कापूस वेचणीला आला असताना अचानक या अवकाळी पावसाने संपूर्ण कापसाच्या पिकाचे नुकसान केले आहे वेसणीला आलेला कापूस भिजला आणि तो खाली पडू लागला भिजलेला कापूस पिवळा होतो आणि त्याला बाजारात कसल्याही प्रकारचा भाव मिळत नाही त्यामुळे शेतकरी मोठा हवालदिन झाला आहे.

शेतकऱ्यांवर हे संकट वाढवले असताना काल जिल्हाधिकारी रघुनाथ गावडे यांनी जिल्ह्यातील नुकसानग्रस्त भागाची पाहणी केली आणि तात्काळ पंचनामे करण्याचे आदेश दिले आहेत. असे असले तरी शेतकरी मात्र फारच अडचणीत सापडला आहे एकीकडे खरीप हंगामामध्ये सोयाबीनचे उत्पादन चांगले झाले नाही आणि सोयाबीनला सध्या भावही नाही पाच हजाराच्या वर सोयाबीनचा भाव सरकत नाही अशा होती कापूस या पिकावर.सध्या कापसाला भाव सात हजार रुपये मिळत आहे आणि भविष्यात कापसाला भाव चांगला येईल असे शेतकऱ्याला वाटत होते पण या पावसाने ती अपेक्षा देखील ही राहून घेतली आहे.

स्वतःला भाजपाचा सहकारी आमदार म्हणणारे गुट्टे भाजप संपविण्याचे काम करत आहे

भाजपा जिल्हाध्यक्ष संतोष मुरकुटे यांची गंगाखेड विधानसभा मतदारसंघाचे आमदार रत्नाकर गुट्टे यांच्यावर टीक

परभणी प्रतिनिधी
गंगाखेड विधानसभा मतदारसंघाची जर बिहार सोबत तुलना केली तर गंगाखेड विधानसभा मतदारसंघ दादागिरी मध्ये एक नंबर वर येईल. मागील तीन वर्षांमध्ये गंगाखेड विधानसभा मतदारसंघात लोकांवर सर्वसामान्यांच्या जमिनी बळकावणे, प्लॉटवर कब्जा करणे, 376 सारखे गंभीर गुन्हे दखल करणे, प्रत्येकाला मारतो,बघतो ची भाषा आमदार गुट्टे वापरतात. त्यामुळे गंगाखेड विधानसभा मतदारसंघाचा बिहार झाला असल्याची परखड टीका भाजप जिल्हाध्यक्ष संतोष मुरकुटे यांनी गंगाखेड विधानसभा मतदारसंघाचे आमदार रत्नाकर गुट्टे यांच्यावर केली आहे.

भाजपा जिल्हाध्यक्ष संतोष मुरकुटे यांच्या वाढदिवसानिमित्त आयोजित सत्कार समारंभात त्यांनी आपले मनोगत व्यक्त केले. पुढे बोलताना ते म्हणाले की गंगाखेड विधानसभा मतदारसंघाचे आमदार रत्नाकर गुट्टे स्वतःला भाजपचा सहयोगी आमदार म्हणतात. पण प्रत्यक्षात 2019 मध्ये गंगाखेड विधानसभा मतदारसंघ हा युती मध्ये शिवसेनेला सुटला होता आणि विद्यमान आमदार रत्नाकर गुट्टे यांनी त्यावेळेस अपक्ष निवडणूक लढली आणि जिंकली. त्यामुळे ते भाजपचे सहयोगी आमदार नाहीत.

रासपा आमदार रत्नाकर गुट्टे हे गंगाखेड विधानसभा मतदारसंघात जो निधी आला तो मी आणला असे म्हणत आहेत.पण प्रत्यक्षामध्ये गंगाखेड विधानसभा मतदारसंघात आलेला निधी हा भारतीय जनता पक्षा च्या सरकारने दिलेला निधी आहे. आमदार गुट्टे हे गंगाखेड मतदार संघात भारतीय जनता पार्टी कमकुवत करण्याचे काम करत आहेत. पण मी जिल्हाध्यक्ष असल्यामुळे येणाऱ्या काळात गंगाखेड विधानसभा मतदार संघामधून कमळाच्या चिन्हावर उमेदवार निवडून आणणार आहे.

भाजपा जिल्हाध्यक्ष मी होऊ नये म्हणून आमदार गुट्टे यांनी बरेच प्रयत्न केले. माझे चारित्र्य हनन व्हावे यासाठी देखील प्रयत्न करण्यात आले. पण त्यांना मी पुरून उरलो. रावणाची सोन्याची लंका देखील रावणाच्या अहंकारामुळे जळून खाक झाली. त्यामुळे रत्नाकर गुट्टे देखील आपल्या अहंकारामुळे येणाऱ्या काळात संपून जातील असा टोला मुरकुटे यांनी लागला.

एकीकडे रासप आमदार रत्नाकर गुट्टे हे उपमुख्यमंत्री देवेंद्र फडणवीस यांचे विश्वासू मानले जातात तर दुसरीकडे त्यांच्याच मतदारसंघांमध्ये भाजप जिल्हाध्यक्ष मुरकुटे व आमदार गुट्टे यांच्यात चांगलेच राजकीय युद्ध पेटले आहे. येणाऱ्या काळात हे आणखीन तीव्र होण्याची चिन्हे आहेत.

येथील यशवंतराव चव्हाण नाट्यगृहात महिला व बालविकास विभाग जिल्हा परिषद, अंतर्गत उत्कृष्ट अंगणवाडी सेविका व पर्यवेक्षिका पुरस्कार सोहळा कार्यक्रमात मंत्री कु. तटकरे बोलत होत्या. यावेळी  जिल्हाधिकारी दीपा मुधोळ – मुंडे,  जिल्हा परिषदेचे मुख्य कार्यकारी अधिकारी अविनाश पाठक, यांच्यासह अन्य अधिकारी उपस्थिती होते.

मंत्री कु. तटकरे म्हणाल्या की, अंगणवाडी सेविकांचे करावे तेवढे कौतुक कमी आहे. कोरोना काळात आपल्या जीवाची पर्वा न करता इतर कुटुंबांसाठी त्यांनी केलेले कार्य अभिमानास्पद आहे.

महिला व बालविकास विभागतंर्गत महाराष्ट्रात जिल्ह्याने सर्वाधिक 17,000 अंगणवाडी मदतनीसांची भरती करून आदर्श निर्माण केला आहे. शासनाने इयत्ता बारावी उत्तीर्णची अट ठेवली होती. तथापि, आपल्याकडे उच्च शिक्षित महिलांनी अंगणवाडी सेविका म्हणून जबाबदारी स्वीकारल्यामुळे भविष्यात अंगणवाडीमधून विद्यार्थ्यांची गुणवत्ता वाढेल, असा विश्वास त्यांनी यावेळी व्यक्त केला.

अंगणवाडी सेविकांना शासकीय कामे मोबाईलद्वारे करावी लागतात त्यामुळे सरकारने त्यांना मोबाईल द्यावेत, अशी त्यांची मागणी शासनाच्या विचाराधीन आहे. दिवाळीपूर्वी भाऊबीज भेट देण्याचेही नियोजन आहे. बालविवाह रोखण्यामध्ये खूप अडचणी येतात परंतु त्या अडचणीवर मात करण्यामध्ये बीड जिल्हा प्रशासन यशस्वी झाले आहे. जिल्हाधिकारी यांच्या मागणीनुसार बीड येथे एक महिन्याच्या आत बालविवाह रोखण्यासाठी अद्ययावत रेसिडेन्सी कार्यालय देण्याचा प्रयत्न राहील. अंगणवाडी सेविकांसोबतच त्यांच्या कुटुंबियांची सुद्धा आरोग्य तपासणी करण्यासंदर्भात शासन निर्णय घेत आहे. लेक लाडकी ही महत्त्वाकांक्षी योजना राबवण्याचा निर्णय घेतला आहे. त्यामुळे एप्रिल 2023 नंतर जन्मलेल्या मुलींना तीन टप्प्यांमध्ये लाभ देण्यात येईल. एक लाख रुपयांपेक्षा अधिक रक्कम त्यांना देण्यात येणार आहे. यासंदर्भात प्रशासनाने लवकरात लवकर प्रस्ताव तयार करावेत आणि शासनाकडे मंजुरीसाठी पाठवावेत असे आवाहनही त्यांनी केले. यापुढे अंगणवाडीचे वर्ग जिल्हा परिषद शाळेच्या इमारतीमधील एका खोलीमध्ये भरले जावेत यासंदर्भात ठोस कृती निर्णय घेण्यासंदर्भात देखील शासन निर्णय घेत आहे.

यावेळी जिल्हा परिषद अंतर्गत 13 अंगणवाडी पर्यवेक्षकांना उत्कृष्ट कार्याबद्दल सन्मानित करण्यात आले. तर 5 अंगणवाडी सेविकांना सन्मानित करण्यात आले. याशिवाय नवनियुक्त अंगणवाडी मदतनीस यांच्या नियुक्तीचे आदेश प्रातिनिधिक स्वरूपामध्ये काही जणांना वाटप करण्यात आले.

“माझी कन्या भाग्यश्री” च्या लाभार्थींना त्यांचा लाभ वाटप करण्यात आला. याशिवाय जिल्ह्यातील 14 बचत गटांना 1 कोटी 14 लक्ष रुपयाचा निधी देखील त्यांच्या हस्ते देण्यात आला. कार्यक्रम अधिकारी महिला व बालविकास अधिकारी चंद्रशेखर केकान यांनी प्रास्ताविक केले.

जिल्हाधिकारी यांनी बीड जिल्ह्यामध्ये चार लाखापेक्षा अधिक मजुरांचे ऊस तोडीसाठी स्थलांतर होते. यावेळी महिलांनी ऊस तोडीसाठी स्थलांतर करू नये म्हणून त्यांचे मन परिवर्तन करण्यासाठी लोकप्रतिनिधीनी पुढाकार घ्यावा तसेच बालविवाह रोखण्यासाठी गाव पातळीवर लोकप्रतिनिधींनी जनजागृती करणे नितांत गरजेचे आहे. अंगणवाडी कर्मचाऱ्यांनी देखील बालविवाह थांबवण्यासाठी प्रयत्न करावेत असे आवाहन केले. कार्यक्रमास जिल्हाभरातून अंगणवाडी सेविका पर्यवेक्षिका महिला व बालविकास विभागाचे अधिकारी कर्मचारी मोठ्या संख्येने उपस्थित होते.

नागपूर जिल्हा प्रशासनामार्फत स्वातंत्र्याचा अमृत महोत्सवांतर्गत ‘मेरी माटी मेरा देश’ कार्यक्रमांतर्गत अमृत कलश यात्रेचा आज कोराडी येथील सेवानंद विद्यालय येथून यात्रेला प्रारंभ झाला, त्यावेळी ते बोलत होते. कार्यक्रमाला आमदार चंद्रशेखर बावनकुळे, आमदार कृष्णा खोपडे, आमदार टेकचंद सावरकर, जिल्हाधिकारी डॉ.विपीन इटनकर, जिल्हा परिषदेचे मुख्य कार्यकारी अधिकारी सौम्या शर्मा प्रामुख्याने उपस्थित होत्या.

केंद्रीय मंत्री श्री. गडकरी म्हणाले की, सामाजिक आर्थिंक शैक्षणिक क्षेत्रामध्ये जे घटक मागे आहेत, त्यांना पुढे नेण्यासाठी तसेच त्यांच्या जीवनामध्ये प्रकाश निर्माण करण्यासाठी शासन कटिबद्ध आहे. भारताची अर्थव्यवस्था येत्या काळामध्ये ३ मिलियन डॉलरपर्यंत आणण्याचा प्रयत्न असल्याचे त्यांनी सांगितले. जलसंवर्धनाचा कामाला गती देण्यात येईल तसेच ड्रिप इरिगेशनचा उपयोग करण्यात येईल. शेती समृद्ध करून शेतकऱ्यांचा विकास करण्याचा आमचा मानस असल्याचे त्यांनी यावेळी सांगितले.

जिल्ह्यामध्ये १ ते १३ ऑक्टोबर दरम्यान ग्रामपंचायतींकडून आलेले अमृत कलश पंचायत समिती कार्यालयात संकलित करण्यात आले. तेथून तालुका कार्यालयात पाठविण्यात आले आहेत. २२ ते २७ ऑक्टोबरदरम्यान राज्यात सर्व तालुक्यातील कलश मुंबई येथे एकत्रित करण्यात येणार आहेत. यानंतर २८ ते ३० ऑक्टोबर दरम्यान दिल्ली येथे मुख्य कार्यक्रमासाठी हे अमृत कलश घेऊन युवक रवाना होतील. १ नोव्हेंबर रोजी प्रधानमंत्री नरेंद्र मोदी यांच्या उपस्थितीत देशभरातील ‘अमृत कलश’ महान हुतात्म्यांच्या स्मरणार्थ दिल्ली येथे मुख्य कार्यक्रमात अमृत वाटिकेमध्ये ठेवण्यात येणार आहेत.

अमृत कलश यात्रेमध्ये मोठ्या संख्येने महिला, नागरिक तसेच जवळपास ५०० विद्यार्थ्यांचा सहभाग होता. यामध्ये सेवानंद विद्यालय, सेवानंद पब्लिक स्कुल, स्मिता पाटील विद्यालय महादुला, तेजस्विनी विद्यालय कोराडी, विद्यामंदिर कोराडी, प्रागतिक विद्यालय कोराडी याचा सहभाग होता. लेझीम पथक, ज्ञानेश्वर महाराज भंजन मंडळ महिला ढोलताशा पथकाने कार्यक्रमाची शोभा वाढवली. सुधाकर कोहळे यांनी प्रास्ताविक केले. कार्यक्रमाचा सुरूवातीला उपस्थितांना पंचप्राण शपथ देण्यात आली. राष्ट्रगीताने कार्यक्रमाची सांगता झाली.

नागपूर अपघात मुक्त करण्याचा संकल्प – केंद्रीय मंत्री श्री. गडकरी

देशात रोज दीड लाख लोकांचा अपघातात मृत्यू होतो. यामध्ये १८ ते ३४ वर्ष वयोगटातील युवकांचा मोठ्या प्रमाणात समावेश आहे. नियमाचे पालन होत नसल्याने अपघाताचे प्रमाण वाढले आहे. ‘मेरी माटी मेरा देश’ या कार्यक्रमामध्ये रूल ऑफ रोडचे पालन करून नागपुरला अपघात मुक्त करण्याचा संकल्प करण्याचे आवाहन केंद्रीय मंत्री श्री. गडकरी यांनी केले.

कालिदास कलामंदिर येथे स्वातंत्र्याचा अमृत महोत्सव सांगता सोहळ्यात ‘माझी माती माझा देश’ अभियानांतर्गत जिल्हा परिषदेमार्फत आयोजित करण्यात आलेल्या अमृत कलश यात्रा कार्यक्रमात पालकमंत्री श्री. भुसे बोलत होते. यावेळी केंद्रीय आरोग्य व कुटुंब कल्याण राज्यमंत्री डॉ. भारती पवार, अन्न, नागरी पुरवठा व ग्राहक संरक्षण मंत्री छगन भुजबळ, आमदार दिलीप बनकर, विभागीय आयुक्त राधाकृष्ण गमे, जिल्हा परिषदेच्या मुख्य कार्यकारी अधिकारी आशिमा मित्तल, जिल्हा परिषदेचे अतिरिक्त मुख्य कार्यकारी अधिकारी डॉ अर्जुन गुंडे, ग्रामीण विकास यंत्रणेच्या प्रकल्प अधिकारी प्रतिभा संगमनेरे, जिल्हा परिषदेचे उपमुख्य कार्यकारी अधिकारी रवींद्र परदेशी, वर्षा फडोळ यांच्यासह सर्व तालुक्यांचे गट विकास अधिकारी, सरपंच व नागरिक मोठ्या संख्येने उपस्थित होते.

पालकमंत्री श्री. भुसे म्हणाले की, जिल्ह्यातील एक हजार ९२६ गावांची माती या अमृत कलशांमार्फत दिल्ली येथे प्रधानमंत्री नरेंद्र मोदी यांच्या संकल्पनेतून साकारणाऱ्या अमृत वाटीकेत मिसळली जाणार आहे, ही आपल्या सर्वांसाठी अभिमानाची बाब आहे. हे अभियान गाव पातळीवर अतिशय उत्साहाने साजरे करून तालुकास्तरावरून आणलेले हे अमृत कलश जिल्ह्यामार्फत येत्या काही दिवसांत दिल्लीला जाणार आहेत. स्वातंत्र्य प्राप्तीसाठी शहीदांच्या स्मृतींना स्मरण करण्यासाठी सुरू असलेली ही अमृत कलश यात्रा जिल्हावासियांच्या सहभागाने यशस्वी झाली आहे. यासोबतच केंद्र सरकारमार्फत सुरू करण्यात आलेल्या विश्वकर्मा योजना तसेच आरोग्य विभागाच्या योजनांसाठी देण्यात येणाऱ्या गोल्डन कार्डचा देखील जास्तीत जास्त नागरिकांनी लाभ घ्यावा. त्याचप्रमाणे दिव्यांग व्यक्तींसाठी आवश्यक असलेल्या साहित्याबाबत २६ ऑक्टोबर रोजी आयोजित शिबिरात सहभागी होऊन लाभ घेण्याचे आवाहनही यावेळी पालकमंत्री श्री. भुसे यांनी केले.

तेज, त्याग, तप, तत्व व तर्क यांचे प्रतिक म्हणजे अमृत कलश यात्रा – केंद्रीय राज्यमंत्री : डॉ. भारती पवार

केंद्रीय आरोग्य व कुटुंब कल्याण राज्यमंत्री डॉ. भारती पवार म्हणाल्या की, प्रधानमंत्री नरेंद्र मोदी यांच्या संकल्पनेतून दिल्ली येथे साकरल्या जाणाऱ्या अमृत वाटीकेमध्ये सर्व देशवासियांचा सहभाग असावा या भावनेतून माझी माती माझा देश हे अभियान संपूर्ण देशात राबविले जात आहे. या अभियानाला नागरिकांचा मिळलेला उत्स्फूर्त प्रतिसाद प्रत्येकाला ऊर्जा देणारा आहे. कलशांमध्ये असलेली ही फक्त माती नसून स्वातंत्र्यासाठी प्राणार्पण करणाऱ्या वीरांची गाथा सांगणारा इतिहास या मातीत आहे. त्यामुळे संपूर्ण देशपातळीवर सुरू असणारी ही अमृत कलश यात्रा म्हणजे तेज, त्याग, तप, तत्व व तर्क यांचे प्रतिक आहे. असे सांगत असतांना केंद्रीय राज्यमंत्री डॉ. पवार यांनी केंद्र सरकारमार्फत सामान्य नागरिकांसाठी राबविण्यात येणाऱ्या योजना सर्वांच्या सहभागाने यशस्वी होत असल्याचेही सांगितले. तसेच अमृत कलश यात्रा यशस्वी होण्यासाठी सर्वांनी घेतलेल्या मेहनतीचे देखील यावेळी केंद्रीय राज्यमंत्री डॉ. पवार यांनी कौतुक केले.

शहीदांच्या स्मृती कायम जागृत ठेवण्यासाठी अमृत वाटीका : मंत्री छगन भुजबळ

अन्न, नागरी पुरवठा व ग्राहक संरक्षण मंत्री छगन भुजबळ म्हणाले, स्वातंत्र्याचा अमृत महोत्सवांतर्गत माझी माती माझा देश अभियानाच्या माध्यमातून देशाच्या मातीसाठी शहीद होणाऱ्या जवानांच्या स्मृती कायम जागरूक ठेवण्यासाठी दिल्लीत अमृत वाटीका तयार करण्यात येणार आहे. यासाठी आपल्या जिल्ह्यातील प्रत्येक गावातील माती असणारे हे कलश आपल्या देशभक्तीचे प्रतिक आहेत. सीमेवर लढणाऱ्या जवानांच्या मनात देशाप्रती असणारा स्वाभिमान हा प्रत्येकाच्या मनात असला पाहिजे. देशाप्रती असलेल्या स्वाभिमानातूनच सर्वांच्या सहभागाने सुराज्य निर्माण होण्यास मदत होणार आहे. यासाठी देशासाठी काम करण्याची भावना सातत्याने मनात असणे आवश्यक असल्याचे मंत्री श्री. भुजबळ यांनी यावेळी सांगितले.

या कार्यक्रमाच्या सुरूवातीला अमृत कलश यात्रेत उत्कृष्ट काम करणाऱ्या सुरगाणा, कळवण व नाशिक तालुक्यांचा स्मृतीचिन्ह देवून सन्मान करण्यात आला. तसेच जिल्ह्यातील प्रत्येक तालुक्यातून आणलेल्या अमृत कलशांचे उपस्थित मान्यवरांच्या हस्ते पुजन करण्यात आले. जिल्हा परिषदेच्या मुख्य कार्यकारी अधिकारी आशिमा मित्तल यांनी प्रास्ताविक केले. त्यानंतर मान्यवरांच्या उपस्थितीत सर्व कलशांची कालिदास कलामंदिरापासून जिल्हा परिषदेपर्यंत शोभा यात्रा काढण्यात आली.

रामेती प्रशिक्षण संस्थेच्या वसतीगृहाचे उद्घाटन व शेतकरी मेळावा

आर्या खाडे या शालेय विद्यार्थ्यींनीनं दहा दिवसांपूर्वी शाळेतून घरी आल्यानंतर संध्याकाळी अभ्यास करताना विषारी औषध प्राशन केल्याची घटना घडली. थोड्या वेळानं तिला त्रास जाणवू लागल्यानंतर तिला उपचारासाठी कोल्हापुरातील खाजगी दवाखान्यात दाखल करण्यात आलं. मात्र, शुक्रवारी उपचारादरम्यान तिचा मृत्यू झाला. आर्याचा मृत्यू झाल्याचं समजताच तिच्या मैत्रिणीना धक्काच बसला. या घटनेनं परिसरात हळहळ व्यक्त होत आहे.

लग्नाचे आमिष दाखवून तरुणीवर अत्याचार

दुसरीकडे, लग्नाचे आमिष दाखवून तरुणीवर अत्याचार करणाऱ्या इम्रानखान शेरखान पठाण (वय 25, रा.जूनी म्हाडा कॉलनी, आर.के.नगर) याला पोलिसांनी अटक केली. न्यायालयात हजर केले असता त्याला बुधवारपर्यंत पोलिस कोठडी देण्यात आली आहे. या प्रकरणी पोलिसांनी दिलेल्या माहितीनुसार, 22 वर्षीय तरुणी गेल्यावर्षी कोल्हापुरात आली होती. कामाला जात असताना रस्त्यात तिची इम्रानखान पठाण याच्याशी ओळख झाली.

इम्रानखान यानं ओळखीचा गैरफायदा घेऊन तिला आपल्या प्रेमाच्या जाळ्यात ओढले. तिला लग्नाचं आमिष दाखवून वर्षभर तिच्यावर अत्याचार केला. तसेच तिचे मोबाईलवर अश्लिल फोटो काढून ते व्हायरल करण्याची भीती घालून जीवे मारण्याची धमकी दिली. पिडीत तरुणीच्या फिर्यादीवरून आज इम्रानखानला लक्ष्मीपुरी पोलिसांनी बुधवारी रात्री अटक कली.

आडगाव बाजार येथिल प्राथमिक आरोग्य केंद्रात प्रथमेश विलास चव्हाण (वय १०) या बालकाला व्हायरल आजारामुळे आणले असता वैद्यकीय अधिकारी वैशाली जाधव यांनी बालकाला तापीच्या गोळ्या लिहून दिल्या. परंतु फार्मसिस्टचे पद रिक्त असल्याने तात्पुरते फार्मसिस्ट बनलेल्या परिचराने प्रथमेश याच्यासह दोन बालकांना तापी ऐवजी मधुमेहाच्या (शुगर) गोळ्या दिल्या. बालकाने शुगरची गोळी खाल्ल्याने त्याची प्रकृती बिघडली. तेंव्हा बालकाला त्वरित जिंतूरला दाखल करण्यात आले. सध्या बालकाची प्रकृती स्थिर असल्याचे समजते. जिल्हा आरोग्य अधिकारी यांनी आडगाव बाजार येथिल प्राथमिक आरोग्य केंद्रातील रिक्त जागा त्वरित भरुन बालकांच्या जीवाशी खेळणा-या दोषींवर योग्य ती कारवाई करण्याची मागणी बालकांच्या पालकांनी व ग्रामस्थांन मधून होत आहे.

कडक कार्यवाही झाली पाहिजे : चव्हाण

मुलाला मागील दोन तीन दिवसा पासून ताप सर्दी होती म्हणून दवाखान्यात नेले होते. पण तापीच्या गोळ्या ऐवजी मधुमेहाच्या (शुगर) गोळ्या दिल्यामुळे मुलाला उलट्यांचा त्रास सुरू झाला. त्याला सतत उलट्या होत होत्या. त्यामुळे जिंतूर येथील रुग्णालयात दाखल करण्यास सांगितले आहे. मात्र चुकीच्या गोळ्या देणा-यावर कडक कार्यवाही झाली पाहिजे असे मत बालकाचे वडील विलास चव्हाण यांनी व्यक्त केले आहे.

चुकीने गोळी देण्यात आली : वैशाली जाधव
प्रिस्क्रिप्शनवर सर्दी, तापीसाठी गोळी दिली होती. परंतु औषध विभागातील सर्दी तापीच्या डब्यात चुकून शुगरच्या गोळ्या ठेवण्यात आल्या होत्या. त्यामुळे चुकीने बदलून गोळ्या देण्यात आल्या असल्याची माहिती वैद्यकीय अधिकारी वैशाली जाधव यांनी दिली आहे.

चौकशी करून कार्यवाही करण्यात येईल : डॉ.बोराळकर

सदरील बालकास शहरातील ग्रामीण रुग्णालयात दाखल केल्यानंतर तपासणी केली असता प्रकृती स्थिर आहे. यातील दोषींवर प्रत्यक्ष भेट देऊन चौकशी करून कार्यवाही करण्यात येईल अशी माहिती जिंतूर तालुका आरोग्य अधीकारी डॉ दिनेश बोराळकर यांनी दिली आहे.